Бүгін белгілі саясаттанушы әрі блогер Ербол Еділовтың телеграм және инстаграмм каналдарында (yedilov online) арнайы қызмет өкілдерінің белгісіз бір адамды ұстап әкетіп бара жатқан видеосы жарияланды. Еділовтің пайымдауынша, ұсталған адам – Олжас Әбішев болуы мүмкін, деп хабарлайды Skifnews.kz ақпарат порталы.
Еділовтың жазуынша, оған «бюджет қаржысын жымқырды» деген айып тағылған.
«Кейбір ақпарат көздері Қаржы министрлігінің Экономикалық тергеу қызметі Денсаулық сақтау вице-министрі Олжас Әбішев бюджет қаржысын жымқырды деген ұстағалғанын хабарлап жатыр. Шілде айының 30-ы күні Денсаулық сақтау министрлігінде бірқатар ауыс-түйіс болатынын, сонымен қатар, вице-министр Олжас Әбішевтің қызметінен кететінін хабарлаған болатынмын», - деп жазған өзінің парақшаларында.