Саясат 15.09.2020 сағат 17:00

Тоқаевтың кеңесшісіне Өзбекстан президенті «құда түсіп» жатыр

Сума Чакрабарти Өзбекстан басшысы Шавкат Мирзиеевтің де кеңесшісі атанды.
Тоқаевтың кеңесшісіне Өзбекстан президенті «құда түсіп» жатыр
Фото: akorda.kz
Бөлісу
Бөлісу
Бөлісу

Еуропалық қайта құру және даму банкінің бұрынғы президенті және Қазақстан Президентінің штаттан тыс кеңесшісі Сума Чакрабарти Өзбекстан басшысы Шавкат Мирзиеевтің кеңесшісі атанды. Бұл туралы ол Twitter парақшасында хабарлады, деп жазады baq.kz сайты. 

"Өзбекстан Президенті Шавкат Мирзияевтің мені экономикалық даму, тиімді басқару және халықаралық ынтымақтастық жөніндегі кеңесшісі етіп тағайындағанын естіп, қуандым. Оның реформалық жобаларын жүзеге асыруға көмектесетін боламын", - деп жазды Сума Чакрабарти.

Айта кетейік, 14 қыркүйекте, яғни кеше ол Қазақстан Президенті Қасым-Жомарт Тоқаевтың экономикалық даму мәселелері бойынша штаттан тыс кеңесшісі болып тағайындалған еді. Бұған дейін бұл қызметті Олжас Құдайбергенов атқарған болатын.

Сума Чакрабарти 1959 жылы дүниеге келген. 2012 жылдан бастап 2020 жылдың шілдесіне дейін Еуропалық қайта құру және даму банкінің президенті қызметін атқарды.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар