Саясат 01.10.2020 сағат 11:00

Ақордада ауыс-түйіс: Тоқаев реформа агенттігі төрағасының екі орынбасарын тағайындады

Әркен Өтенов пен Жаслан Мәдиев Стратегиялық жоспарлау және реформалар агенттігі төрағасының орынбасары қызметіне тағайындалды.
Ақордада ауыс-түйіс: Тоқаев реформа агенттігі төрағасының екі орынбасарын тағайындады
Фото: qazaqtimes.com
Бөлісу
Бөлісу
Бөлісу

Әркен Өтенов Сыртқы істер министрлігінің жауапты хатшысы қызметінен босатылып, жақында құрылған Стратегиялық жоспарлау және реформалар агенттігі төрағасының орынбасары қызметіне тағайындалды, деп хабарлайды Аzattyq-ruhy.kz сайтына сілтеме жасап.

Сондай-ақ Жаслан Мәдиев Стратегиялық жоспарлау және реформалар агенттігі төрағасының орынбасары қызметіне тағайындалды.

Еске сала кетейік, 9 қыркүйекте Мемлекет басшысы Қазақстанда жаңадан екі агенттік құру туралы жарлыққа қол қойды.

14 қыркүйекте Мемлекет басшысының жарлығымен «Астана» халықаралық қаржы орталығының басқарушысы Қайрат Келімбетов Қазақстан Республикасының Стратегиялық жоспарлау және реформалар агенттігінің төрағасы қызметіне тағайындалды.

ҚР Стратегиялық жоспарлау және реформалар агенттігі құрылып, оған стратегиялық жоспарлау және мемлекеттік статистикалық қызмет салаларындағы Қазақстан Республикасы Ұлттық экономика министрлігінің функциялары мен мынадай өкілеттіктері беріледі:

- реформаларды жүзеге асыру тәсілдерін, реформаларды жүзеге асыруға қажетті, сондай-ақ олардың іске асырылу барысын мониторингтеу мен бағалау  бойынша нормативтік құқықтық актілер жобаларын әзірлеу;

- мемлекеттік жоспарлау жүйесінің құжаттарын дайындау кезінде, сондай-ақ оларды келісу, іске асыру барысын мониторингтеу мен бағалау бойынша мемлекеттік органдардың және квазимемлекеттік сектор субъектілерінің қызметін үйлестіру;

- мемлекеттік органдардың мемлекеттік басқару жүйесін жетілдіруге бағытталған ұсыныстарын келісу;

- елдің дамуы мен халықаралық ахуалды стратегиялық болжамдау мен  талдау жүргізу;

- ведомстволық статистика саласындағы жұмысты  үйлестіру;

- орталық мемлекеттік органдар және облыстардың, республикалық маңызы бар қалалардың, астананың жергілікті атқарушы органдары қызметінің тиімділігіне жыл сайынғы бағалау жүргізу бойынша жұмыстарды үйлестіру жөніндегі функциялар мен өкілеттіктер.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар