Саясат 06.10.2020 сағат 11:40

«Саяси күштер сайлауды сылтауратып, билікті басып алуға тырысты» - Сооронбай Жээнбеков

Қан төгілмесін, бір де бір азаматтың өміріне қауіп төнбесін деп күштік құрылымдарға оқ атпауға бұйрық бердім.
«Саяси күштер сайлауды сылтауратып, билікті басып алуға тырысты» - Сооронбай Жээнбеков
фото: azattyq.org
Бөлісу
Бөлісу
Бөлісу

Қырғызстанда парламент сайлауының нәтижесіне наразылар Ақ үй, парламент ғимаратын басып алып, елде халықтық үкімет құру қажеттігі жайлы мәлімдемелер айтыла бастаған шақта президент Сооронбай Жээнбеков видеомәлімдеме жасады, - деп хабарлады Азаттық радиосы. 

Жээнбеков мәлімдемесінде саяси күштер билікті заңсыз тартып алуға әрекет етіп, сайлауды сылтауратып, қоғамдық тәртіпті бұзды деп наразыларды айыптаған.

"Қала тұрғындарының тыныштығын бұзды. Тәртіп сақшыларына бағынбай, дәрігерлерді сабап, ғимараттарды талқандады. Қан төгілмесін, бір де бір азаматтың өміріне қауіп төнбесін деп күштік құрылымдарға оқ атпауға бұйрық бердім. Қазірге дейін жағдайды ушықтырмау үшін мүмкін болған әрекеттің барлығын жасадық. Мемлекеттік тыныштығы, қоғамның тұрақтылығы депутат мандатынан биік" деді Жээнбеков.

Ол мәлімдемеде саяси партияларды үміткерлерін наразылық ошақтарынан алып кетуге және барлық күштерді заң аясында әрекет етуге үндеген. Жээнбеков орталық сайлау комиссиясына заңбұзушылықтарды зерттеп, қажет болса сайлау қорытындысын жоққа шығаруды да ұсынған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар