Саясат 20.06.2021 сағат 12:20

Түркістан қаласын салуға қанша қаржы бөлінді?

Түркістан облысының әкімі Өмірзақ Шөкеев өңір орталығының құрылысына бөлінген қаржы сомасын атады.
Түркістан қаласын салуға қанша қаржы бөлінді?
Фото: ашық дереккөз
Бөлісу
Бөлісу
Бөлісу

«Түркістанды арнайы қаржыландыруға қатысты аңыз өте көп. Толықтай алғанда, біз аяқтағалы отырған бірінші кезеңге 445 млрд теңге жұмсалды. Оның жартысы жеке инвестиция, ал қалған бөлігі – бюджет қаражаты.

Бюджет қаражатының барлығы «Нұрлы жер», «Нұрлы жол», «Ауыл – ел бесігі» мемлекеттік бағдарламалары аясында бөлінді. Яғни, барлығы да халық санына сай республикалық бюджеттен теңгерімді бөлу нормативтеріне, қолданыстағы мемлекеттік бағдарламалар аясында болды. Әрине, Президенттің, Үкіметтің тапсырмасымен жүзеге асырылатын жекелеген жобалар да бар», – деді Өмірзақ Шөкеев Орталық коммуникациялар қызметінің көшпелі брифингі барысында.

Сонымен қатар ол еліміздің барлық облыстары Түркістан қаласында бір-бір нысаннан салғандығын атап өтті. «Бұл жеке арнаулы хаттамаға сай жүзеге асырылды. Осылардың барлығын ескерер болсақ, Түркістан облысын қаржыландыруда шектен шыққан ештеңе де жоқ», – деді ол.

nege.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар