Саясат 08.07.2021 сағат 10:20

«Орындалмаған жұмыс 1,5 млрд теңгені құраған»: Біртановқа қатысты сот тергеуі аяқталды

Еске салсақ, бұған дейін Елжан Біртановты үйқамақта ұстау мерзімі тағы ұзартылғаны айтылды.
«Орындалмаған жұмыс 1,5 млрд теңгені құраған»: Біртановқа қатысты сот тергеуі аяқталды
Бөлісу
Бөлісу
Бөлісу

Қаржылық мониторинг агенттігі бұрынғы денсаулық сақтау министрі Елжан Біртанов пен вице-министр Олжас Әбішевке қатысты сотқа дейінгі тергеуді аяқтағанын мәлімдеді, деп хабарлайды Stan.kz ақпарат агенттігі. 

Біртанов пен Әбішев Денсаулық сақтау министрлігінің жарамсыз ақпараттандыру Платформасын қабылдау және пайдалануға беру арқылы лауазымдық өкілеттіктерін асыра пайдаланды деп күдіктелуде.

"Платформа Денсаулық сақтау жүйесіндегі проблемаларды жедел шешу үшін пациенттер, дәрі-дәрмектер және медициналық бұйымдар туралы барлық ақпаратты біріктіруі керек еді. Бүгінгі таңда платформа жұмыс жасамайды және оны медициналық мекемелердің пайдаланбайтыны жиналған дәлелдермен расталады. Орындалмаған жұмыстардың құны 4,1 млн АҚШ долларын немесе 1,5 млрд теңгені құрайды", - делінген агенттік хабарламасында.

Сондай-ақ, Елжан Біртанов санитариялық авиацияның әуе кемесін 2020 жылғы маусымда жеке мақсаттары үшін пайдалану кезінде өкілеттіктерін асыра пайдаланды деп күдіктелуде.

Өзге ақпарат ҚР ҚПК-ның 201-бабына сәйкес жария етуге жатпайды.

Еске салсақ, бұған дейін Елжан Біртановты үйқамақта ұстау мерзімі тағы ұзартылғаны айтылды. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар