«Шенеуніктер қарапайым халықтан 20 есе көп жалақы алмауы тиіс» - заңгер

Белгілі заңгер Жангелді Сүлейменов Түркістан облысының әкімі Өмірзақ Шөкеевтің жалақысы туралы айтты.

Жақында әкім 1 млн 900 мың теңге жалақы алатынын айтқан. Оның айтуынша, жалақы үкімет қаулысымен реттеледі.

Бұл ретте заңгер қарапайым халықтан 20 есе көп алатын шенеуніктердің табысын асыра бағалау әділетсіздік екенін айтты. Ол мұны экономикалық теңсіздік деп санайды.

«Дециль коэффициенті – ең бай 10 пайыздың жиынтық табысының ең кедей 10 пайыздың жиынтық табысына қатынасы. Теориялық тұрғыдан алғанда, барлық шенеуніктер ең бай 10 пайыздың қатарына кірмеуі керек, бірақ олардың арасында бұл 475 мыңды білдіреді. Бұл Қазақстан Республикасындағы барлық шенеуніктерге арналған максимум. Яғни, шенеуніктер кедейлерге қарағанда 4,75 еседен көп емес алуы керек» деп жазды ол Facebook-те.

Қазақстанның ересек халқының саны 14 млн адам. Заңгердің айтуынша, ең кедейлердің 10 пайызы (1,4 млн) айына ең көбі 100 мың теңге алады. Біздің елде ресми деректер бойынша децильдік коэффициент 8,5 құрайды. Бұл ең бай 10 пайыз (1,4 млн) айына кемінде 850 мың алады деген сөз.

«Негізі әкімдер екі миллионға дейін алады, бұл тиісінше бес есе көп. Бұл қиғаштық деп аталады. Не кедейлердің жалақысын айына 421 мыңға дейін көтеру керек, не әкімдердің айлығын 475 мыңға дейін азайту керек.

Есептер шамамен алынған, мәні дәлдігінен өзгермейді. Шенеуніктер қарапайым халықтан 20 есе көп табыс таппауы керек» деп өз сөзін қорытындылады заңгер.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.