Саясат 05.01.2022 сағат 09:20

Алматы қаласының әкімі Бақытжан Сағынтаев үндеу жариялады

Бәріңізді арандатушылық пен заңсыздық әрекеттерді қолдамауға шақырамын.
Алматы қаласының әкімі Бақытжан Сағынтаев үндеу жариялады
Фото: ашық дерекөз
Бөлісу
Бөлісу
Бөлісу

Құрметті алматылықтар! Қаладағы ауыр жағдайға байланысты өздеріңізге үндеу жолдаймын. 

Қаламыздың тыныштығын бұзуға арандатушылар экстремистік әрекеттерімен сырттан да, іштен де әсер етуде. 

Алматының тыныштығы мен бейбіт өмірін сақтау мақсатында құқық қорғау органдары қажетті шараларды қабылдауда. Қазір қаладағы жағдай билік бақылауына алынды. 

Арандатушылар мен экстремистер ұсталып, бүлік салушылар анықталып жатыр. 

Жаңа ғана Мемлекет басшысы 2022 жылғы 5 қаңтардағы сағат 01:30-дан 2022 жылғы 19 қаңтардың сағат 00:00 кезеңі аралығында Алматы қаласында төтенше жағдай енгізу туралы Жарлыққа қол қойды. Бұл заңдылық пен тәртіпті қалыпқа келтіру, қоғам қауіпсіздігін сақтау, азаматтардың бостандығы мен құқығын қорғау жолындағы маңызды шешім. 

Ел Президентінің Жарлығына сәйкес қалалық полиция департаментінің бастығы, генерал Қанат Таймерденов Алматы қаласының Коменданты болып тағайындалды. 

Әкімдік қаланың тыныс-тіршілігін қамтамасыз ететін барлық саланы қалыпта ұстау мақсатында жұмыс істеуде. 

Біздің ортақ мақсатымыз – қаламызда тыныштық пен тұрақтылықты қамтамасыз ету, бейбіт халықты қауіп-қатерден аман сақтау. 

Сондықтан бәріңізді арандатушылық пен заңсыздық әрекеттерді қолдамауға шақырамын. 

Бүгінгі түнде қаламыздың тыныштығын сақтауға атсалысқан тәртіп сақшылары мен барлық жауапты қызметкерлерге түсіністік танытып, жауапкершілікпен қараған алматылықтарға рахметімді айтамын!

 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар