«Президент қарапайым азаматтардың құқығын қорғауды күшейтуге ерекше көңіл бөлді» – Марат Бәшімов

ҚР Президенті Қасым-Жомарт Тоқаев Парламент Мәжілісінің жалпы отырысында қоғам естігісі келген, халыққа қажетті маңызды мәлімдеме жасады. Бұл туралы Ұлттық қоғамдық сенім кеңесінің мүшесі, саясаттанушы Марат Бәшімов айтты. 

«Бүгін қоғам Мемлекет басшысының ерекше назар аударғанын естіді, көрді. Біріншіден, адам құқықтарының әлеуетіне назар аударылды. Барлық салада азаматтардың конституциялық құқықтарын қорғаудың тиімділігін айтты. Өйткені Алматыдағы соңғы оқиғалар адамның халықаралық терроризмге қарсы қорғансыз екенін көрсетті. Сондықтан оның бүгінгі мәлімдемесі қарапайым азаматтардың құқықтарын қорғауды күшейтуге негізделген. Бұл құқықтық реформа, саяси реформа, әлеуметтік-экономикалық аспектілер және тағы басқалары», - деді спикер. 

Марат Бәшімов Президенттің «Адам мемлекет үшін емес, мемлекет адам үшін» деген сөзін ерекше атап өтті. 

«Бұл жерде азаматтардың заңдылықты сақтаудағы жауапкершілігін атап өту қажет. Сондықтан Мемлекет басшысының айтқан әрбір сөзі барлық салада қарапайым азамат құқықтарының басымдығымен байланысты екенін көрсетті», - деді Марат Бәшімов.

ҚазАқпарат

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.