Саясат 28.01.2022 сағат 09:40

ҰҚШҰ Қырғызстан мен Тәжікстан шекарасындағы жағдайға қатысты пікір білдірді

Қырғызстан мен Тәжікстан 28 қаңтарға қараған түні өткен келіссөздерден кейін атысты тоқтату туралы келісімге келген.
ҰҚШҰ Қырғызстан мен Тәжікстан шекарасындағы жағдайға қатысты пікір білдірді
Бөлісу
Бөлісу
Бөлісу

Ұжымдық қауіпсіздік туралы шарт ұйымының (ҰҚШҰ) бас хатшысы Станислав Зась Тәжікстан Қауіпсіздік кеңесінің хатшысы Насрулло Махмудзода және Қырғызстан хатшысы Марат Иманқұловпен телефон арқылы сөйлесіп, тараптарды шекарада атысты дереу тоқтатуға шақырды, - деп хабарлайды Tengrinews.kz тілшісі Sputnik Тәжікстанға сілтеме жасап.

"Шекарада жаңадан басталған қақтығыстар үлкен алаңдаушылық тудырады, салдарынан жараланғандар бар. Тәжік-қырғыз шекарасындағы қарулы қақтығыс дереу тоқтатылуы тиіс", - деді Зась.

Ол шекарада туындаған жанжал тек келіссөз үстелінде бейбіт жолмен шешілуі керегін баса айтты.

"ҰҚШҰ Қырғызстан мен Тәжікстанға жанжалды шешуде қажетті көмек көрсетуге дайын. ҰҚШҰ-ға мүше екі мемлекеттің басшылығы осы күрделі шекаралық мәселені реттеу үшін өзара қолайлы жолдар табатынына сенімдімін", - деді ҰҚШҰ бас хатшысы.

Бұл ретте Tengrinews.kz тілшісі мәліметінше, Қырғызстан мен Тәжікстан 28 қаңтарға қараған түні өткен келіссөздерден кейін атысты тоқтату туралы келісімге келген.

Келіссөздерге Қырғызстанның Баткен облысы мен Тәжікстанның Соғды облысының әкімдері, сондай-ақ екі елдің шекара ведомстволары мен құқық қорғау органдарының өкілдері қатысқан.

Еске салайық, Қырғызстан мен Тәжікстан шекарасындағы жағдай 27 қаңтарда кешке күрт ушығып кетті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар