$ 443.35 € 475.54 ₽ 4.82
Ұлттық қоғамдық сенім кеңесінің құрамына ротация жүргізілді. Бұл туралы Президенттің баспасөз хатшысы Берік Уәли мәлімдеді, - деп хабарлайды Tengrinews.kz.
Ұлттық кеңес құрамына Азаматтық альянс президенті Бану Нұрғазиева, жергілікті өзін-өзі басқаруды дамыту институтының директоры, Петропавл қоғамдық кеңесінің мүшесі Сергей Худяков, Қазақстан Жазушылар одағы төрағасының бірінші орынбасары Ақберен Елгезек, Президенттік жастар кадрлық резервінің мүшесі, Қазақстан стратегиялық зерттеулер институтының әлеуметтік-саяси зерттеулер бөлімінің басшысы Индира Рысты, қаржы қызметкері Расул Рысмамбетов кірді.
Ротация аясында кеңес құрамынан Александр Данилов, Лаура Демесінова, Абылай Мырзахметов, Асқар Омаров шығарылды.
"Құрылған сәттен бастап ұлттық кеңес құрамы жартылай жаңарды. Оның жұмысына 20-дан аса жаңа сарапшылар мен азаматтық белсенділер тартылды. Қазір ұлттық қоғамдық сенім кеңесінің жетінші отырысына дайындық жүргізіліп жатыр", - деді Берік Уәли.
