Қазақстан Ресеймен меморандумға қол қоймақ

Қазақстан Ресеймен цифрлық трансформация саласында меморандумға қол қоюға ниетті. Бұл туралы Bugin.kz порталы хабарлайды.

Меморандум жобасына сәйкес тараптар арасындағы ынтымақтастықтың негізгі нысандары мыналарды қамтиды:

- ақпарат, тәжірибе алмасу және консультациялық қызметтер көрсету;

- меморандумды іске асыру үшін Тараптар қажет деп санайтын бірлескен іс-шаралар (конференциялар, форумдар, семинарлар, жұмыс топтарының отырыстары және басқалар) өткізу;

- Тараптардың екі мемлекетінің мүдделі ұйымдары мен компаниялары арасындағы ынтымақтастықты дамытуға жәрдемдесу;

Тараптардың уағдаластығы бойынша ынтымақтастықтың басқа да нысандары.

- «Бірлескен қызметтің нақты мазмұны, Тараптардың міндеттемелері, оларды орындау мерзімдері, ынтымақтастықтың көлемі мен шарттары және басқа да ұйымдастырушылық және коммерциялық аспектілер тиісті халықаралық шарттарда анықталуы мүмкін», - делінген құжатта.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.