Саясат 09.02.2022 сағат 20:30

«Айтылған сөзден тиісті қорытынды жасаңыздар» - мәжіліс төрағасы

Ерлан Қошанов депутаттарға Президенттің мәлімдемелерінен қорытынды шығарып, жұмыс керек екенін ескертті.
«Айтылған сөзден тиісті қорытынды жасаңыздар» - мәжіліс төрағасы
Бөлісу
Бөлісу
Бөлісу

Мәжілістің жаңа төрағасы депутаттарға ескерту жасады, деп хабарлайды Stan.kz ақпарат агенттігі. 

"Тоқтала кететін маңызды жайт бар. Кеше Мемлекет басшысы бүгінге дейін қордаланып қалған мәселелерді өткір сынға ала отырып, нақты міндеттер жүктеді. Осы міндеттердің ең маңыздысы - еліміздің әлеуетін қалпына келтіру, халықтың табысын арттыру және жақсы жағдай жасау.  Осы мақсаттарға қолжеткізу үшін Президент бірқатар басым бағытты белгіледі - адамдардың кәсіпкерлікпен айналысуы үшін тең жағдай жасау, еңбекке қолайлы жұмыс орындарын құру, тұрғын үй және денсаулық сақтау мәселелерін шешу, инфляцияны тежеу, қосымша қаржыландыру көздерін табу және шағын және орта бизнесті дамыту. Бәріңіз таныстыңыз деп ойлаймын", - деді Қошанов Мәжіліс отырысы басталар алдында.

Ол депутаттарды әлеуметтік-экономикалық міндеттерді сапалы заңдармен қамтамасыз етуге шақырды.

"Президент келеңсіз оқиғаларға да тоқталып, елімізде қарызға белшесінен батқан азаматтар мен кедейлер қатары көбейіп келе жатқанын ашық айтты. Әсіресе, табыстан, адал еңбектен үмітін үзген жастардың арасында тәуелділік пайда болғанын қатаң сынға алды. Айтылған сөзден тиісті қорытынды жасаңыздар, әрекет етуіміз керек. Бір аптадан кейін бәріміз аймақтарға сайлаушылармен кездесуге аттанамыз. Содан кейін бұл нақты қадамдарды әрбір сайлаушыға, әрбір азаматқа жеткізуіміз керек. Елдегі проблемалар туралы біліңіздер. Өйткені, ел игілігі үшін қызмет ету - ортақ парызымыз", - деп түйіндеді сөзін Қошанов.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар