Қаңтар оқиғасына қатысты ҚР Бас прокуратурасы мен ІІМ бірлескен мәлімдеме жасады, деп хабарлайды Skifnews.kz ақпарат порталы.
ҚР Бас прокуратурасы мен ҚР ІІМ-нің ресми мәлімдемесі:
Қаңтар оқиғасына қатысы бар 152 адам сотталды. Қазір 262 қылмыстық іс тергеліп жатыр. Оның ішінде 44 терроризм актісі, жаппай тәртіпсіздік бойынша 47 іс қозғалған. Тергеудің заңсыз әдістерін қолдану фактілері бойынша ҰҚК-нің 9 қызметкері мен 1 полицей ұсталды. Арнайы прокурорлар 10 қылмыстық істі тергеп жатыр. Бүгінгі таңда 547 адам жаппай тәртіпсіздік ұйымдастырғаны және оған қатысқаны үшін күдікті деп танылды. Олардың 269-ы қамауда.
Қаңтардағы тәртіпсіздік кезінде подполковник Хаиров Алматы қаласы әкімдігін күзеткен. Ол қарусыз болды, денесі ғимараттың төбесінен табылды, деп хабарлады бүгін Бас прокуратура. Тергеу көрсеткендей, зорлық-зомбылықпен өлгеннен кейін қылмыскерлер айғақтарды жасыру үшін оның денесін өртеп жіберген. 39 жастағы әскери қызметшінің артында отбасы және кәмелетке толмаған екі баласы қалды. Тергеудің заңсыз әдістерін қолдану фактілері бойынша ҰҚК-нің 9 қызметкері мен 1 полицей ұсталды. Арнайы прокурорлар 10 қылмыстық істі тергеп жатыр.
5 қаңтарда Алматы қаласында, Алматы, Жамбыл және Қызылорда облыстарында екі полиция департаменті, 3 ұлттық қауіпсіздік комитетінің департамент басшылары өз ғимараттарын, соның ішінде қарумен қалдырып кеткен. Олардың барлығы күдікті деп танылды. Осы фактілер бойынша қызмет бабындағы әрекетсіздік бойынша 9 қылмыстық іс қозғалды, деп хабарлады Бас прокуратура. 1 және 2 сәуірде Жамбыл облысы полиция департаменті бастығының бұрынғы орынбасары мен Алматы әуежайындағы желілік полиция бөлімінің бастығы ұсталып, уақытша ұстау изоляторларына қамалды.