Саясат 20.07.2022 сағат 11:00

Кәрім Мәсімовті қамауда ұстау мерзімі тағы да ұзартылды

ҰҚК-нің бұрынғы басшысы 6 айдан бері қамауда отыр.
Кәрім Мәсімовті қамауда ұстау мерзімі тағы да ұзартылды
Бөлісу
Бөлісу
Бөлісу

ҰҚК экс-басшысы Кәрім Мәсімов пен оның орынбасары Әнуар Садықұловтың қамауға алу мерзімі 6 тамызға дейін ұзартылғаны белгілі болды. Дәулет Ерғожиндікі 13 тамызға дейін ұзартылды.

Осылайша, ҰҚК-нің бұрынғы басшысы 6 айдан бері қамауда отыр. Соңғы рет оның қамауға алу мерзімі 6 маусымда ұзартылған.

ҰҚК тергеу-жедел тобы Кәрім Мәсімовке, Әнуар Садықұловқа, Дәулет Ерғожинге және басқа да тұлғаларға қатысты мынадай баптар бойынша қылмыстық істерді тергеп жатқанын айтты.

    ҚР Қылмыстық кодексінің 175-бабының 1-бөлігі – Мемлекетке опасыздық жасау – қарулы қақтығыс кезінде жау жағына өту, тыңшылық.
    ҚР Қылмыстық кодексінің 179-бабының 3-бөлігі – Билікті басып алуға немесе ұстап қалуға үгіт-насихат немесе жария түрде шақыру.
    ҚР Қылмыстық кодексінің 218-бабы, 3-бөлігі, 3-тармағы – Қылмыстық жолмен алынған ақшаны немесе мүлікті заңдастыру.
    ҚР Қылмыстық кодексінің 362-бабы, 4-бөлігі, 3-тармағы – Ауыр зардаптарға әкеп соққан билікті немесе лауазымдық өкілеттіктерді асыра пайдалану.
    ҚР Қылмыстық кодексінің 366-бабының 4-бөлігі – Аса ірі мөлшерде пара алу.

Экономикалық ресурстардың заңсыз шоғырлануына қарсы күрес жөніндегі комиссия бір күн бұрын Қазақстанға заңсыз шығарылған қаражаттың қайтарылуының жай-жапсарымен бөлісті. Кәрім Мәсімовтің пара ретінде алып, алып кеткен 3 млн доллары Қазақстанға қайтарылды.

Ал 14 шілдеде Ресейге қашпақ болған кезде оның немере ағасы, Павлодар облыстық полиция басқармасының бұрынғы бастығы Нұрлан Мәсімов ұсталды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар