Саясат 18.08.2022 сағат 15:20

Тоқаев Ресей мен Әзербайжанға барады

Сонымен қатар, екіжақты бірқатар құжатқа қол қойылады.
Тоқаев Ресей мен Әзербайжанға барады
Бөлісу
Бөлісу
Бөлісу

Президент Қасым-Жомарт Тоқаев Сочи және Баку қалаларына ресми сапармен барады, - деп хабарлайды Ақорданың баспасөз қызметі.

19 тамызда Президент Қасым-Жомарт Тоқаев Сочи қаласына (Ресей Федерациясы) жұмыс сапарымен барады.

"Сапар барысында Қазақстан мен Ресей басшылары кездесіп, екі елдің стратегиялық серіктестігінің өзекті мәселелерін, соның ішінде сауда-экономикалық ынтымақтастығын одан әрі дамыту тақырыбын талқылайды", - делінген хабарламада.

Сондай-ақ, 24 тамызда Мемлекет басшысы Әзербайжан Республикасының президенті Ильхам Әлиевтің шақыруымен Баку қаласына ресми сапармен барады.

"Әзербайжан астанасында екі ел басшыларының шағын және кеңейтілген құрамдағы кездесулері жоспарланып отыр. Келіссөз барысында сауда-экономикалық, көлік-логистикалық, инвестициялық, мәдени-гуманитарлық ынтымақтастықты одан әрі нығайтуға баса мән беріле отырып, қазақ-әзербайжан стратегиялық серіктестігін дамыту мәселелері қарастырылады. Сонымен қатар, екіжақты бірқатар құжатқа қол қойылады", - делінген хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар