Саясат 29.11.2022 сағат 15:40

Еліміздегі 37 Жылу электр орталығының 22-сі жекенің қолында

Тек 10 жылу электр орталығы ғана мемлекет меншігінде. Тағы бесеуі квазимемлекеттік сектор иелігінде.
Еліміздегі 37 Жылу электр орталығының 22-сі жекенің қолында
Бөлісу
Бөлісу
Бөлісу

Ұлттық экономика министрлігі елімізде барлығы 37 жылу электр орталығы бар екенін әрі оның 10-ы ғана мемлекет меншігіне тиесілі екенін хабарлады. 

Ал бесеуіне квазимемлекеттік сектор иелік етіп отыр. Қалған 22 жылу электр орталығы жекенің қолында.

Мемлекеттік ЖЭО-лар Астана, Шахтинск, Арқалық, Тараз, Семей, Қостанай, Орал, Кентау, Қызылорда қалаларында, квазимемлекеттік сектор иелігіндегі ЖЭО-ның үшеуі Алматыда, ал екеуі Ақтауда орналасқан.

Қалған өңірлердегі орталықтар - жекеменшіктің қолында.

Жекеменшік жылу электр орталықтарының тізімі:

Балқаш ЖЭО «Kazakhmys Energy» ЖШС;

Жезқазған ЖЭО «Kazakhmys Energy» ЖШС;

«Атырау мұнай өңдеу зауыты» ЖЭО ЖШС;

«Өскемен ЖЭО» ЖШС;

Петропавл ЖЭО-2 «СевКазЭнерго» АҚ;

«Риддер ЖЭО» АҚ;

ЖЭО-ПВС АҚ «АрселорМиталл Теміртау»;

ЖЭО-2 «АрселорМиталл Теміртау» АҚ;

«Текелі энергетикалық кешені» ЖЭО ЖШС;

ЖЭО-1 ЖШС «Қарағанды Энергоцентр»;

ЖЭО-2 «Павлодарэнерго» АҚ;

«Согринская ЖЭО» ЖШС (Өскемен);

Рудненская ЖЭО «ССГПО» АҚ;

«Атырау ЖЭО» АҚ; ЖЭО-1 «Қазақстан алюминийі» АҚ ERG (Павлодар);

«Степногорск ЖЭО» ЖШС;

ЖЭО-3 «Павлодарэнерго» АҚ;

«Екібастұзтеплоэнерго» ЖЭО ЖШС;

ЖЭО-3 «Қарағанды энергетикалық орталығы» АҚ;

ЖЭО-3 «3-Энергоорталық» АҚ ERG (Шымкент);

«Ақтөбе ЖЭО» АҚ; «ГРЭС-1» ЖШС Bassel Group LLS (Теміртау).

Айта кетерлігі, еліміздегі жыл электр орталықтарының орташа жұмыс істеген жылы - 61.

ЖЭО-лардың 76 пайызға жуығы 50 жылдан астам уақыт бойы халыққа қызмет көрсетіп келеді. ЖЭО-ның негізгі жабдықтарының орташа тозуы – 66 пайыз.

37 жылу электр орталығының жалпы электр қуаты - 6 517 МВт, ал жылу қуаты - 20 135 Гкал/сағат. Аталған орталықтарда 190 бу қазандығы, 41 су жылыту қазандығы, 132 бу турбинасы және 5 газ турбинасы жұмыс істейді.

Екібастұз қаласындағы төтенше жағдайдан кейін ел Үкіметі бірқатар проблемалық энергетикалық нысандарды мемлекет меншігіне қайтару мәселесін қолға алып жатыр. 

 

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар