Ол Ақтөбе қаласында туған.
28 жыл бұрын (1996) қазақ волейболшысы, волейболдан Қазақстан ұлттық құрамасының мүшесі Сабина Абайқызы АЛТЫНБЕКОВА дүниеге келді, деп хабарлайды Skifnews.kz ақпарат порталы.
Ол Ақтөбе қаласында туған. Әл-Фараби атындағы қазақ ұлттық университетін бітірген.
Сабина мектеп қабырғасынан бастап волейбол ойнай бастаған. Қалалық, облыстық байқауларға қатысты. Оның әуесқойлық мансабы 2008 жылдан бастау алады. Алғаш жергілікті «Қазхром» волейбол клубының құрамында ойнады. 2013-2014 жылғы волейбол маусымында командасына елдің жоғары волейбол лигасының күміс жүлдесін жеңіп алуға көмектесті.
Бойжеткен 17 жасында жасөспірімдер арасындағы Қазақстан құрамасына қабылданды. 2012 жылы Қазақстан жастар құрамасын басқарды (Азия чемпионатында 7 орын). 2014 жылы 23 жасқа дейінгі құраманың капитаны (Азия чемпионатында 6 орын), 2015 жылы «Жапон әйелдер лигасының үздік ойыншысы» атағын алды. Волейболдан әйелдер арасындағы әлем чемпионатында азиялық жанкүйерлердің көзіне түсіп, онда көпшілік жас сұлуды жапондық аниме кейіпкеріне ұқсатты. 2016-2019 жылдары Алматы қаласының ұлттық әйелдер лигасының құрамында болып, 2019 жылы араб әйелдер волейбол лигасында өнер көрсетті.