Бүкіл турнир сериясының жалпы жүлде қоры – $600 000.
Кеше, 8 қарашада Шымкент қаласында Халықаралық шахмат федерациясының (ФИДЕ) әйелдер арасындағы 2024-2025 жылғы Гран-приінің екінші кезеңі аяқталды, деп хабарлайды Skifnews.kz ақпарат порталы.
"9 турдан кейін Қазақстан әйелдер құрамасының көшбасшысы, 45-ші Дүниежүзілік шахмат олимпиадасының күміс жүлдегері Бибісара Асаубаева (2487) 3-орын иеленді", – делінген Qazaqstan телеарнасы таратқан хабарламада.
Шымкенттегі сайыста Александра Горячкина (2533) 7 ұпай жинап, жеңіске жетсе, одан жарты ұпай аз жинаған әлемнің экс-чемпионы Тань Чжунъи (Қытай, 2551) екінші орын алды. Бүкіл турнир сериясының жалпы жүлде қоры – $600 000, оның $120.000 жалпы есепте үздік болған он ойыншыға үлестіріледі.