«Шоу керек!»: Жанқош Тұраров тосын жазба жариялады

Қазақстандық кәсіпқой боксшы Жанқош Тұраров (28-0, 20 КО) әлеуметтік желідегі тосын жазбасымен жанкүйерлерін таңқалдырды, деп хабарлайды Skifnews.kz ақпарат порталы.

ММА-де жекпе-жек өткізсем қалай қарайсыздар? — деп жазды Жанқош Тұраров Instagram-дағы ресми парақшасында.

Ал осы сұраққа қатысты бірқатар жанкүйер өз ойларын ортаға салып, пікір жазып кетті.

«Бозкілемде біраз жұмыс істеу керек»; «Боксты жалғастыра бер»; «Мен саған сенемін, әрқашан тек алға»; «Қызық болатын еді»; «Қолдаймыз, шоу керек»; «Бокста алар асуың көп қой», — деп жазды желі қолданушылары. 

Айта кетейік, 33 жастағы Жанқош Тұраров соңғы жекпе-жегін өткен жылдың желтоқсан айында өткізіп, жапониялық боксшы Акихиро Кондоны төрешілердің бірыңғай шешімімен жеңіп, IBO титулын сәтті қорғаған болатын.