Қазақстандық ауыр салмақтағы боксшы Иван Дычко рингке қайта оралмақ

Қазақстандық ауыр салмақтағы боксшы Иван Дычко 27 желтоқсан күні Алматыда рингке қайта оралады, деп хабарлайды Skifnews.kz ақпарат порталы Sport+ сайтына сілтеме жасап.

Алдағы жекпе-жекті «All Stars Boxing» промоутерлік компаниясы жариялады.

Иванның қарсыласы – ресейлік Виталий Кудухов (7-2-0, 3КО). Ол ауыр салмақта «Короли Нокаутов Трофи» бүкілресейлік Гран-при жеңімпазы атанып, әлемнің ТОП-150 ауыр салмақ боксшыларының қатарына енген.

Иван Дычко (14-0-0, 13КО) соңғы рет биыл тамыз айында АҚШ-та рингке шығып, америкалық боксшы Крейг Льюисті (15-8-1, 8КО) техникалық нокаутпен жеңген болатын.