Әділбек Мусин әлем чемпионатында рекорд орнатты

Будапеште өтіп жатқан әлем чемпионатында қысқа қашықтыққа жүзуден сынға түскен Әділбек Мусин ел рекордын жаңартты. Ол баттерфляй әдісімен жүзуден жекелей сайыста 100 метрді 50.55 секундта өтті, деп хабарлайды Skifnews.kz ақпарат порталы.

Осылайша, Әділбек Мусин Қазақстанның рекордын жаңартып отыр. Алайда он бұл нәтижемен 26-орынға тұрақтады. Ал осы сайыста сынға түске тағы бір қазақстандық спортшы Максим Сказобцов ерлер арасында 34 орынға тұрақтады. Оның көрсеткіші 51.50 секунд болып отыр.
 
Ал әйелдер арасында Софья Сподаренко 100 метрді 59,22 секундта жүзіп өтіп, 26-орынға ілінді.