Қуат Хамитов 10 миллион сыйақыға ие болды (ВИДЕО)

Белгілі ММА шеберлері Қуат Хамитов пен Нұрберген Шәріпов Алматыда басталған жаңа Nomad Wrestling турнирінде кездесті, деп хабарлайды Skifnews.kz ақпарат порталы.

Sportnews.kz хабарлауынша, лиганың дебюттік турнирінде барлық жекпе-жек түрлерінің мықты балуандары жиналып, 10 миллион теңге көлеміндегі бас жүлде үшін таласатын болады.

Формат – екі раунд, әрқайсысы бес минуттан, ұпай есептелмейді. Егер жеңімпаз анықталмаса, нәтиже шыққанға дейін экстра-раунд өткізіледі.

Алғашқы кездесуде танымал ММА шеберлері Қуат Хамитов пен Нұрберген Шәріпов бақ сынады. Спортшылар 10 минут бойы жеңімпазды анықтай алмады. Нәтижесінде экстра-раунд басталып, Қуат тейкдаун жасап, кездесудің жеңімпазы атанды.