Осылайша ол ел біріншілігінің жартылай финалына жолдама алды.
Бокстан Қазақстан чемпионатында Ләззат Күнгейбаева (81 келі) жартылай финалға шықты, деп хабарлайды Skifnews.kz ақпарат порталы.
Ол ширек финалда Түркістан облысынан келген Гүлсезім Садықовамен шаршы алаңға шыққан еді. Бірінші раундта Ләззат қарсыласын екі мәрте нокдаунға жіберіп, техникалық нокаутпен жеңіске жетті.
Осылайша ол ел біріншілігінің жартылай финалына жолдама алды.
Айта кетсек, Ләззат Күнгейбаева 2016 жылғы әлем чемпионы, екі мәрте әлем чемпионатында (2014, 2023) күміс жүлдеге қол созды. Ал 2021 жылы Азия чемпионы болса, Қазақстан біріншілігінің бірнеше дүркін жеңімпазы атанды.