Боксшының келесі қарсыласы кім?
All Stars Boxing промоутерлік компаниясы жартылай орта салмақтағы қазақстандық боксшы Данияр Елеусіновтің (12-0, 7 КО) келесі жекпе-жегінің өтетін күні мен орнын жариялады, деп хабарлайды Skifnews.kz ақпарат порталы.
"Ресми: Данияр Елеусінов 28 ақпанда рингке қайта оралады. Астана", – деп хабарлады бокс промоушені Instagram желісінде.
Айта кетейік, Данияр Елеусінов IBO нұсқасы бойынша жартылай орта салмақта әлем чемпионы болған. 2016 жылғы Олимпиада чемпионы осы күнге дейінгі соңғы жекпе-жегін қыркүйекте Алматыда өткен бокс кешінде өткізіп, бесінші раундтан кейін жекпе-жекті жалғастырудан бас тартқан филиппиндік Джо Нойнаймен (23-4-2, 11 КО) жұдырықтасты.