Елдос Сметов өз марапатын пән Олимпиадасының чемпионына табыстады (ВИДЕО)

Дзюдодан Париж Олимпиадасының чемпионы Елдос Сметов "Қызық Премия" марапаттау кешінде өзіне табысталған сыйлықты пән Олимпиадасының жеңімпазына берді, деп хабарлайды Skifnews.kz ақпарат порталы.

Жыл үздіктері анықталатын "Қызық Премия" кешінде Елдос Сметов "Жыл спортшысы" атағына ие болды. Десе де ол бұл марапатты химия пәнінен халықаралық Олимпиада чемпионы Санжар Бейсенәліге табыстады.

"Білім саласындағы Олимпиада чемпионы осы залда, ортамызда отыр деп естідім. Мен "Жыл спортшысы" атағын осыған дейін 3-4 рет алғанмын. Қазіргі таңда әлемде үздік атану үшін сынға түсіп жатырмын. Сіздерден қолдау күтемін.

Осы марапатты өз атымнан білім саласында Олимпиада жеңімпазы болған бауырымызға сыйлағым келеді. Білім мен ғылымда үлкен жетістікке жете берсін", - деді Елдос Сметов.

2023 жылы қазақстандық оқушылар Швейцарияның Цюрих қаласында өткен химия пәнінен халықаралық олимпиадада (IChO-2023) бір алтын, екі күміс және бір қола медаль жеңіп алған еді. Алтын медальді Астанадағы "Назарбаев зияткерлік мектебінің" 12-сынып оқушысы Санжар Бейсенәлі еншілеген болатын.