«Барлығы үшін рақмет»: Елена Рыбакина Қазақстан құрамасына алғысын білдірді (ВИДЕО)

Қазақстанның бірінші, әлемнің алтыншы ракеткасы Елена Рыбакина Instagram желісіндегі парақшасында Аустралиядағы United Cup турнирінде бақ сынаған ұлттық құрама мүшелерінің ерекше сәттерінен видео жариялады, деп хабарлайды Skifnews.kz ақпарат порталы.

Елена Рыбакина Аустралияда өткен United Cup турниріндегі ұлттық құрама мүшелерінің ерекше сәттері таспаланған видеоны Instagram желісіндегі ресми парақшасында жариялап, Қазақстан құрамасына арнайы алғысын білдірді.

"Барлығы үшін рақмет. Керемет уақыт, ортақ жеңістер, турнирдегі лайықты нәтиже үшін, көңілді кештер мен күн сайынғы тамаша көңіл-күй үшін рақмет", - деп жазды Елена Рыбакина.

Еске салайық, United Cup турнирінің жартылай финалында қазақстандық спортшылар Польша құрамасынан жеңіліс тапты (0:3). Алайда Қазақстан турнирде жарқын ойын көрсетті: топтық кезеңде Испанияны (2:1) және Грекияны (3:0) жеңсе, ширек финалда Германияны (2:1) тізе бүктірді.