Нәрестеге Оливия деген есім берілді.
Қазақстан құрамасының және қостанайлық "Тобыл" футбол клубының ойыншысы Роман Асранқұлов әке атанды, деп хабарлайды Skifnews.kz ақпарат порталы.
Роман Асранқұлов пен жұбайы Анна қызды болды. Нәрестеге Оливия деген есім берілді.
"Роман мен Аннаны осынау айтулы жаңалығымен құттықтаймыз. Ана мен балаға мықты денсаулық тілейміз! Бауы берік болсын!", - делінген "Тобыл" футбол клубының жазбасында.
Айта кетейік, Роман Асранқұлов былтыр шілдеде шаңырақ көтерген еді. 25 жастағы футболшы – "Тобыл" командасының түлегі.