«Ақыры дегеніме жеттім»: Қазақ қызы баскетболдан Моңғолия ұлттық құрамасының сапында ойнайды

Бұлбұл Мұрат – Моңғолия ұлттық құрамасында ойнайтын баскетболшы. Моңғолияның Налайх қаласында дүниеге келген ол 18 жасында елдің басты командасына қабылданып, ұлттық құрама сапында Азия ойындарында қола медаль иеленіп, Азия чемпионатының күміс жүлдегері атанған, деп хабарлайды Skifnews.kz ақпарат порталы turkystan.kz-ке сілтеме жасап.

"Негізі, менің спортқа келуіме әкем­нің қарындасы себепкер болған. Ол кісі спорт­пен шұғылданатын, соның ішінде бас­кет­бол­ды шебер ойнайтын. Кішкентай кезімде оның ойнау стиліне, допты торға лақтырғанын қат­ты қызығатынмын. Мен де ол секілді ой­на­ғым келетін. Менің қызығушылығымды бай­қа­ған ол мені бір күні Налайхтағы баскетбол сек­­­­­циясына ертіп апарып, «Үйрен. Ойнап көр» деп ондағы бапкерге табыстап кетті", - дейді қазақ қызы.

Оның айтуынша, Моңғолияа қандас спортшылар үшін ұлттық құрама сапына кіру қиынның қиыны. Алайда қазақ қызы өзінің табандылығы мен жігерлілігінің арқасында топ жарған.

"Моңғолияда менен басқа ұлттық құра­мада ойнайтын қазақ қыздары жоқ қой.  Мен секілді кішкентай кезінен баскетболға әуес бол­ғандарды да байқамадым. Мен жасөспірімдер, жас­тар сапында жүріп, бірнеше халықаралық жарыстарда топ жардым. Менің бар ар­маным әкемнің атын әйгілеу еді. Азия ойын­дары секілді ірі халықаралық жарыста ойна­ға­нымды көрсе деп едім. Жакартада ойнау осы жағынан қиынға соқты. Дегенмен бар өнерімізді ортаға салып, намысқа тырысып, ол ойында қола жүлдегер атандық. Кейін Ханчжоуда өткен Азия ойындарында күміс алдық.  Одан бөлек Әлем кубоктерінде топ жарып, жүлдегерлер қа­та­рынан көріндік", - дейді Бұлбұл Мұрат.