Қысқы Универсиада: Қазақстан қоржынына тағы екі жүлде түсті

Қысқы универсиада ойындарында еліміздің парашаңғышы Денис Зинов 10 км еркін жүрістен күміс медаль иеленсе, Роман Құрбанов қола медальға қол жеткізді, деп хабарлайды Skifnews.kz ақпарат порталы.

«Бұл жетістік еліміздің параспортшыларының қажырлы еңбегін, спортшыларымыздың қайсарлығы мен мықты рухын тағы бір мәрте әлемге паш етті. Екі спортшымызды да жеңістерімен құттықтап, болашақтағы жарыстарда одан да жоғары жетістіктерге жетуіне тілектеспін! Барлық спортшыларымызға алдағы сындарда табыс, күш-қуат тілеймін!», - деді ҚР Ғылым және жоғары білім министрі Саясат Нұрбек.

 Әзірге Ұлттық құраманың қоржынында 1 алтын, 1 күміс, 1 қола бар. Еліміздің спортшыларына алдағы ойындарында да жеңіс тілейміз!