Қазақстандық спортшылар Универсиаданың екі дүркін жүлдегері атанды

Қазақстандық спортшы Роман Құрбанов Универсиадада парашаңғы спортынан қола медаль, ал Денис Зинов күміс жүлдені жеңіп алды, деп хабарлайды Skifnews.kz ақпарат порталы.

«Қазақстан қоржынына тағы бір қола! Универсиада ойындарының парашаңғы жарысынан 1400 метр қашықтығының финалында отандасымыз Роман Құрбанов 3-орынға ие болды.

Спортшымызды Қазақстан еншісіне қосқан жарыстағы екінші медалімен шын жүректен құттықтап, алдағы жарыстарда жаңа жеңістер тілеймін!

Ал Денис Зинов универсиада ойындарында күміс медаль жеңіп алды! Спорт және туризм академиясының студенті парашаңғы жарысынан 1400 метр қашықтықта мәреге екінші болып келіп, Турин универсиадасының екінші медаліне ие болды», - деп жазды Ғылым және жоғары білім министрі Саясат Нұрбек телеграм арнасында.

Осымен әзірге Қазақстан құрамасының қоржынында 2 алтын, 4 күміс, 2 қола медаль бар.