Азия ойындары-2025: Ел қоржынына тағы бір медаль түсті

Үздік үштікті Қытай құрамасы түйіндеді.

Фото: olympic.kz

Қытайдың Харбин қаласында өтіп жатқан 2025 жылғы қысқы Азия ойындарында ерлер құрамасы биатлоннан тағы бір медаль жеңіп алды, деп хабарлайды Skifnews.kz ақпарат порталы.

Биатлоншылар 4x7.5 шақырымдық бағдарламада сынға түсті. Қазақстан құрамасы бұл жарыста мәреге екінші болып келіп, күміс жүлдені еншіледі.

Құрама сапында бұл бәсекеге Александр Мухин, Әсет Дүйсенов, Кирилл Бауэр және Владислав Киреев қатысты.

Ал алтын жүлдені Жапония спортшылары ұтты. Үздік үштікті Қытай құрамасы түйіндеді.

Осылайша Харбинде өтіп жатқан 2025 жылғы қысқы Азия ойындарында биатлоншылар төрт медаль жеңіп алды. Спринт бәсекесінде Владислав Киреев алтын алса, Вадим Куралес күміске қол созды. Ал әйелдер құрамасы эстафетада қола жүлдені ұтса, ерлер күміс медаль иеленді.