Осылайша Қаршыға кәсіпқой мансабындағы 18-інші жеңісіне қол жеткізді.
Қазақстандық спортшы Қаршыға Дәуітбек Жапонияда өткен аралас жекпе-жектен RIZIN 50 турнирінде сайысқа түсті, деп хабарлайды Skifnews.kz ақпарат порталы. Негізгі жекпе-жектің бірінде ол жапониялық Тихиро Судзукимен (13-4) кім мықтыны анықтады.
Жартылай жеңіл салмақтағы бәсеке үш раундқа жоспарланды. Бұл кездесуде төрешілер шешімімен жеңіс қазақстандық спортшыға берілді.
Осылайша Қаршыға кәсіпқой мансабындағы 18-інші жеңісіне қол жеткізді. Сондай-ақ қазақстандық файтер қатарынан оныншы мәрте жеңіске жетіп отыр. Ал ММА-кәсіпқой бәсекесінде Тихиро Судзуки бесінші мәрте жеңілістің ащы дәмін татты.
Аталған жеңістен кейін Қаршыға жартылай жеңіл салмақта RIZIN чемпионы болу үшін титулды жекпе-жек өткізуге мүмкіндік алды. Бұл салмақта шыққан тегі бразилиялық жапон спортшысы Клебер Коикэ Эрбст (34-7-1) чемпион болған.