Күйеуге шыққан соң боксты тастаймын – Назым Қызайбай

Бокстан үш дүркін әлем чемпионы Назым Қызайбай тұрмысқа шыққан соң спорттағы мансабын аяқтайтынын жеткізді, деп жазады Skifnews.kz ақпарат порталы. 

Бұл туралы ол «Хабар» телеарнасындағы «Қызық TIMES» бағдарламасында айтты.

«Жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда, меніңше, күйеуге шыққан соң боксты қою керек. Себебі балаға тәрбие беретін ең бірінші адам – анасы. Егер спорттық мансабыңды жалғастырып, жарыстарға барып, жаттығуларға уақыт бөлсең, балаңның өскенін, қалыптасуын толыққанды көре алмайсың. Сондықтан бұл тұрғыда менің өз ұстанымым бөлек», – деді Назым Қызайбай.