Зарина Дияс Португалиядағы жарыста қарсыласын бет қаратпай ұтты

Қазақстандық теннисші, әлемнің 269-ракеткасы Зарина Дияс Фигейра-да-Фош (Португалия) ITF W100 турнирінің екінші айналымына шықты, деп хабарлайды Skifnews.kz ақпарат порталы.

З.Дияс бастапқы кездесуін WTA рейтингісінде 694-орында тұрған латвиялық Диана Марцинкевичпен өткізді.

Зарина Дияс қарсыласын 6:1, 6:0 есебімен ойсырата жеңді. 

Бәсеке небәрі 44 минутқа созылып, Заринаның айқын басымдылығымен аяқталды.

Қазақстандық теннисші ширек финалға шығу үшін әлемнің 228-ракеткасы, франциялық Тесса Адрианяфитримомен таласады. 

Аталмыш жарыс 27 шілдеде мәресіне жетіп, жеңімпаз анықталады.