Кез келген уақытта дайынмын.
Қазақстандық файтер Жалғас Жұмағұлов (19-9) Oktagon лигасындағы чемпиондық белбеуін сәтті қорғағаннан кейін мәлімдеме жасады, деп хабарлайды Sn.kz ақпарат порталы.
«Келесі кім? Мен әлі де осындамын. Кез келген уақытта дайынмын. ИншаАлла», - деп жазды Жұмағұлов Х әлеуметтік желісіндегі парақшасында.
Еске сала кетейік, 28 желтоқсанда Жалғас Жұмағұлов Чехияның Прага қаласында өткен Oktagon 81 турнирінде жергілікті спортшы Давид Дворжакпен (22-7) жекпе-жек өткізді. Жерлесіміздің қарсыласы екінші раундтан кейін айқасты жалғастырудан бас тартты.
Осылайша Жалғас Жұмағұлов Oktagon лигасында ең жеңіл салмақтағы чемпиондық атағын сәтті қорғады.