Қазақ теннисінің жаңа жұлдызы: Заңғар Нұрланұлы жартылай финалда тарихи жеңіске жетті

Мельбурн қаласында өткен  Australian Open турнирінің жасөспірімдер арасындағы жекелей сынында Заңғар Нұрланұлы алғашқы жартылай финалист атанды, деп хабарлайды Sn.kz ақпарат порталы.

Әлемдік рейтингіде 12-орында тұрған қазақстандық Заңғар Нұрланұлы ширек финалда Гонконг өкілі Кай Томпсонмен (ITF Juniors рейтингінде 48-орын) шеберлік байқасты. Тартысқа толы өткен матч 2 сағат 50 минутқа созылып, қазақстандық теннисшінің жеңісімен аяқталды – 3:6, 7:6 (7:4), 6:4.

Осылайша, Заңғар ел теннисі тарихында жаңа белеске көтерілді. Ол – Australian Open турнирінің жасөспірімдер арасындағы жекелей сынында жартылай финалға шыққан тұңғыш қазақстандық теннисші. Еске сала кетейік, былтыр ол жасөспірімдер арасындағы US Open додасында да жартылай финалға дейін жеткен болатын.

Матчтан кейінгі Заңғар қолдау көрсеткен командасына, ата-анасына, жанкүйерлерге және Қазақстан теннис федерациясына алғыс айтты.

Енді қазақстандық теннисші финал жолдамасын америкалық Китан Ганс пен Қытай Тайбэйінің өкілі Куан Чоу Чен арасындағы кездесудің жеңімпазымен сарапқа салады.