Әйелдер күресінен Қазақстан құрамасының бас бапкері тағайындалды

Қазақстан ұлттық құрамасында күрес түрлерінен кадрлық өзгерістер орын алуда. Енді әйелдер күресінен аға бапкер ретінде Нұрсұлтан Теміров жаттықтырады, деп хабарлайды Sn.kz ақпарат порталы.

Нұрсұлтан Теміров әйелдер күресінкн ұлттық құрама көшбасшысы Жәмилә Бақбергенованың жеке бапкері.  Жәмила Бақбергенов әлем чемпионатының төрт дүркін жүлдегері.

Оның жетекшілігімен және тікелей қатысуымен халықаралық аренада ел намысын абыроймен қорғап жүрген бірқатар спортшылар тәрбиеленді. Олардың қатарында Мадина Бақбергенова және басқа да спортшылар бар.

Айта кетейік, Нұрсұлтан Маратұлы Қазақстан Республикасының еңбек сіңірген жаттықтырушысы. Сонымен қатар, 2022 жылы ҚР Мәдениет және спорт министрлігі тарапынан "Жылдың үздік жаттықтырушысы" атағына ие болған. 

Сондай-ақ ол Л.Н. Гумилев атындағы Еуразия ұлттық университетін "Дене шынықтыру және спорт" мамандығы бойынша тамамдаған.