2026 жылғы футболдан әлем чемпионатының толық кестесі жарияланды

Халықаралық футбол федерациясы (FIFA) 2026 жылғы әлем чемпионатының толық матчтар кестесін жариялады. АҚШ, Канада және Мексика бірлесіп қабылдайтын жаһандық дода 11 маусым мен 19 шілде аралығында өтеді, - деп хабарлайды Sn.kz ақпарат порталы. 

Тарихтағы ең ауқымды әлем чемпионатында алғаш рет 48 құрама өнер көрсетіп, жанкүйерлер 104 матчтың куәсі болады. Турнирдің ашылу ойыны 11 маусым күні Мехикода өтсе, финалдық кездесу 19 шілдеде Нью-Джерси штатындағы MetLife Stadium аренасында ұйымдастырылады. 

Жарыстың топтық кезеңі 11–27 маусым аралығында өтеді. Одан кейін командалар 28 маусым мен 3 шілде аралығында 1/16 финалда бақ сынайды. 1/8 финал матчтары 4–7 шілдеге жоспарланған. Ширек финалдар 9–11 шілде күндері өтсе, жартылай финалдар 14–15 шілдеде ойналады. Үшінші орын үшін кездесу 18 шілдеге белгіленген.

2026 жылғы әлем чемпионаты үш елдің 16 қаласында өтеді. Бұл турнир әлем чемпионаттары тарихындағы ең көп команда қатысатын алғашқы дода ретінде тіркелмек. 

Халықаралық футбол федерациясы (FIFA) 2026 жылғы әлем чемпионатының толық матчтар кестесін жариялады. АҚШ, Канада және Мексика бірлесіп қабылдайтын жаһандық дода 11 маусым мен 19 шілде аралығында өтеді. Турнир тарихында алғаш рет әлем чемпионатына 48 құрама қатысып, жалпы саны 104 матч ойналады. 

Әлем чемпионатының ашылу матчы 11 маусым күні Мехикода өтіп, алаң иелері Мексика құрамасы Оңтүстік Африкаға қарсы ойнайды. Ал финалдық кездесу 19 шілдеде Нью-Йорк/Нью-Джерси қаласындағы MetLife Stadium стадионында ұйымдастырылады. 

2026 жылғы әлем чемпионатының негізгі кезеңдері:

Кезең Уақыты Топтық кезең - 11–27 маусым 1/16 финал - 28 маусым – 3 шілде 1/8 финал - 4–7 шілде Ширек финал - 9–11 шілде Жартылай финал - 14–15 шілде Үшінші орын үшін матч - 18 шілде Финал - 19 шілде

Турнирдің алғашқы матчтары:

Күні Матч 11 маусым - Мексика – Оңтүстік Африка 11 маусым - Оңтүстік Корея – Чехия 12 маусым - Канада – Босния және Герцеговина 13 маусым - Қатар – Швейцария 13 маусым - Бразилия – Марокко

Үш мемлекетте өтетін мундиаль футбол тарихындағы ең ауқымды әлем чемпионаты болмақ. Жарысқа қатысатын командалар 12 топқа бөлінген, ал плей-офф кезеңіне әр топтан үздік екі құрама мен үшінші орын алған сегіз үздік команда жолдама алады. 

Толық матчтар кестесі FIFA-ның ресми сайтында жарияланған.