Еркін күрес ережесі бойынша өткен белдесу үшінші раундта мерзімінен бұрын аяқталды.
Қазақстандық аралас жекпе-жек (ММА) шебері Қуат Хамитов Real American Freestyle (RAF) күрес лигасындағы алғашқы белдесуін өткізді, деп хабарлайды Sn.kz ақпарат порталы.
38 жастағы спортшы Грузия астанасы Тбилисиде өткен турнирде армениялық UFC-дің үздік файтерлерінің бірі Арман Царукянмен кездесті.
Еркін күрес ережесі бойынша өткен белдесу үшінші раундта мерзімінен бұрын аяқталды. Царукян 11:0 есебімен қажетті басымдыққа қол жеткізіп, айқын жеңіске жетті.
Арман Царукян осылайша 2026 жылы RAF лигасындағы сегізінші жеңісіне қол жеткізді. Оның келесі кездесуі 18 шілдеде АҚШ-та өтеді. Бұл турнирде ол UFC-дің бұрынғы чемпиондық белбеуге үміткері америкалық Колби Ковингтонға қарсы шығады.
Ал Қуат Хамитов үшін бұл RAF лигасындағы алғашқы белдесу болды. Оның ММА ережесі бойынша соңғы ресми жекпе-жегі биыл ақпан айында Грузияда өтіп, бразилиялық Алан Силваны төрешілердің бірауыздан шығарған шешімімен жеңген еді.