Рыбакина WTA рейтингінде Соболенкоға жақындай түсті

Әйелдер теннис қауымдастығы (WTA) жаңартылған әлемдік рейтингті жариялады. Қазақстанның бірінші ракеткасы Елена Рыбакина әлемнің екінші теннисшісі мәртебесін сақтап қалды, деп хабарлайды Sn.kz ақпарат порталы.

Рыбакинаның еншісінде 8 056 ұпай бар. Ол әлемнің бірінші ракеткасы Арина Соболенкодан небәрі 494 ұпайға қалып келеді. Беларусь өкілі 8 550 ұпаймен көш бастап тұр.

WTA рейтингінің үздік бестігі:

1. Арина Соболенко (Беларусь) — 8 550 ұпай;
2. Елена Рыбакина (Қазақстан) — 8 056;
3. Джессика Пегула (АҚШ) — 6 300;
4. Коко Гауфф (АҚШ) — 5 649;
5. Мирра Андреева (Ресей) — 5 293.

Қазақстанның екінші ракеткасы Юлия Путинцева жаңартылған рейтингте 79-орында тұр. Оның еншісінде 904 ұпай бар.

Ал қазақстандық теннисшілердің қатарында Жібек Құламбаева 465-орында, Аружан Сағандықова 624-сатыда, ал Асылжан Арыстанбекова 941-орынға жайғасты.