Олимпиадаға баратын қазақстандық делегацияларға жаңа талап енгізілді

Туризм және спорт министрлігі Олимпиада ойындары мен өзге де кешенді халықаралық жарыстарға қатысатын қазақстандық делегацияларға қойылатын жаңа талаптарды жариялады, деп хабарлайды Sn.kz ақпарат порталы.

Енді жарысқа бірге баратын ілесіп жүруші тұлғалардың саны спортшылардың санына қарай анықталады. Бұл туралы Tengri Sport министрліктің баспасөз қызметіне сілтеме жасап хабарлады.

Ведомствоның мәліметінше, бұған дейін делегация құрамындағы ілесіп жүретін адамдардың санын анықтайтын бірыңғай норматив болмаған.

Жаңа ережеге сәйкес, олардың саны арнайы формула бойынша есептеледі.