Қазақстан құрамасы Көшпенділер ойындарында арқан тартыстан екінші алтынды жеңіп алды

Бүгін ұлттық құрама арқан тартыстың 4×4 түрінен сынға түсті.

Фото: Инстаграм

VI Дүниежүзілік көшпенділер ойындарында Қазақстан құрамасы арқан тартыстан тағы бір алтын жүлдеге ие болды, деп хабарлайды Sn.kz ақпарат порталы.

Бүгін ұлттық құрама арқан тартыстың 4×4 түрінен сынға түсіп, тартысты бәсекеде қарсыластарынан басым түсіп, чемпион атанды.

Осылайша қазақстандық спортшылар Көшпенділер ойындарындағы арқан тартыстан екінші алтынды қоржынға салды. Кеше дәл осы спортшылар 8×8 форматында да топ жарған болатын.