Криштиану Роналду Португалия құрамасына қайта оралуы мүмкін

Португалия құрамасының бас бапкері Жорже Жезуш Криштиану Роналдудың ұлттық құрамаға қайта оралуына есік ашық екенін мәлімдеді, деп хабарлайды Sn.kz ақпарат порталы.

Бұл пікірін маман Португалияның Ұлттар лигасында Норвегияны 2:1 есебімен жеңгеннен кейін айтты. Осы жеңістен соң португалиялықтар турнирдің ширек финалына жолдама алған алғашқы команда атанды. 

«Роналду ұлттық құрамадағы болашағын келесі шақыртуға дейін шешуі керек. Егер ол футбол ойнап, ұлттық құрамада өнер көрсеткісі келсе, қалаған уақытында қайта орала алады. Неге болмасын? Бұл — түсініспеушілік. Меніңше, оны оңай шешуге болады. Мен үшін бәрі қалыпты. Бұл мәселенің қашан шешілетінін білмеймін, көре жатармыз», — деді Жезуш.

Роналду мен бас бапкер арасындағы түсініспеушілік Португалияның Норвегиямен кездесуінен кейін туындаған. Жезуш бастапқыда Роналдуды ойынның соңғы бөлігінде алаңға шығаруды жоспарлағанын, алайда матч барысына байланысты бұл жоспардың өзгергенін айтқан. 

Кездесуде Роналду қосалқы құрамда қалып, алаңға шықпады. Кейін ол Португалия құрамасының орналасқан жерінен кетіп қалғанын мәлімдеді. Футболшы бұл шешімнің себептерін кейін түсіндіретінін айтып, ұлттық құрамаға деген құрметін білдірген.