Нанкин олимпиадасында қазақ спортшылары тағы бір қола алды

Қытайдың Нанкин қаласында өтіп жатқан жасөспірімдер олимпиадасында көркем гимнастикадан Қазақстан құрамасы топтық жаттығуда қола медаль алды, деп хабарлайды Skifnews.kz.

Әмина Қожахмет, Әлия Молдахметова, Виктория Гуслякова, Елизавета Майновская, Дарья Медведева, Нұрай Құмарова бар Қазақстан құрамасы Өзбекстан, Канада, Египет құрамаларын жеңіп, Ресей мен Болгария спортшыларынан ұтылды.

Қазақстанның бокс федерациясының баспасөз қызметі мәлімдегендей, Қазақстан спортшылары осымен Нанкиндегі олимпиадада үш алтын (еркін күрестен - Мұхамбет Қуатбек, бокстан - Абылайхан Жүсіпов, дзюдодан - Бауыржан Жауынтаев), бір күміс (бокстан - Вадим Казаков), төрт қола медаль (ауыр атлеттер Жасұлан Қалиев пен Татьяна Капустина, грек рим күресінен Евгений Поливадов және көркем гимнастика құрамасы) алды.

Нанкиндегі жасөспірімдер олимпиадасында жарыстар толық аяқталды. Олимпиаданың жабылу салтанаты 28 тамызда өтеді.