ШҚО-да «Тур де Өскемен» веложарысына қызу дайындық жүруде

Облыс басшысы Бердібек Сапарбаевтың бастамасымен, қазақстандық веложарыстың 100 жылдығын тойлау аясында, 2014 жылдың 12-13 қыркүйегінде Өскемен қаласында «Tour de Oskemen» екікүндік веложарысы өтеді.

–      Веложарыс кең көлемде өткізіледі. Жоспарлау барысында Халықаралық велосипедшілер ұйымының берген кеңестері пайдаланылды, – деді дене шынықтыру және спорт басқармасының басшысы Әбіл Доңбаев.

Екі турдан тұратын сайыс суперкөпкүндіктің шағын аналогы болмақ. Әбіл Бекетұлының айтуына қарағанда сайысқа еліміздің 7 облысы, «Astana Pro Team», «Almaty Bro Team», ҚазҰУ командасы, сондай-ақ Ресей, Өзбекстан елдерінің спортсмендері қатысады деп жоспарлануда.