Геннадий Головкин: «Жыл жекпе-жекшісі 2014» аталымы - мен үшін үлкен абырой

WBA/IBO тұжырымдары бойынша орта салмақтағы әлем чемпионы Геннадий Головкин өзіне берілген ESPY 2014 жүлдесінің «Жыл жекпе-жекшісі» аталымын үлкен абырой деп санайды.

Бұл туралы Sports.kz. жазды.

«ESPY 2014 жүлдесінің «Жыл жекпе-жекшісі» аталымына ұсынылуым мен үшін үлкен абырой, бүкіл әлемдегі жанкүйерлеріме қолдау көрсеткені үшін ризамын», - деп жазады боксшының сөздерін FightHype.com.

«Геннадий - керемет әсерде қалдыратын боксшы. Бұл аталым оған үлкен назар аударылып отырғанының, оның шаршы алаңға шығулары әлемдік деңгейге өтуінің тағы бір көрінісі екенін көрсетіп отыр», - деп атап өтті спортшының промоутері Том Леффлер.