Геннадий Головкин өзіне қолдау көрсеткен Қытай миллиардері Джек Маға алғыс білдірді. Бұл туралы боксшы өз Instagram әлеуметтік желісіне жазды.
«Ма мырза, қолдауыңыз үшін рақмет. Әрдайым сізді көргенімде қуанамын», – деді спортшы.
Еске салайық, миллиардер осыған дейін қазақстандық әнші Димаш Құдайбергеннің де жанкүйері екенін айтқан болатын. Тіпті, үйіне қонаққа шақырып, сыйлық берген.
Қазақстандықтарға қолдау көрсетіп жүрген Джек Ма – «Alibaba Group» интернет алаңының негізін қалаушысы.