Рио-2016: Қазақстан қоржынына алғашқы медаль түсті

Риода өтіп жатқан ХХХІ жазғы олимпиада ойындарында Қазақстан ұлттық құрамасының қоржыны алғашқы медальмен толықты. Дзюдодан 48 келіге дейінгі салмақта өнер көрсеткен Галбадрах Отгонцэцэг қола жүлде үшін болған белдесуде Куба палуанын жеңіп, өз салмағындағы үздік үштікті қорытындылады.

Соңғы белдесуде қазақстандық палуан кубалық Дайарис Местре Альваресті иппон әдісімен таза жеңді. Бұған дейін жерлесіміз ширек финалда жапон қызы Ами Кондодан жеңіліп, олимпиада алтынынан үмітін үзген болатын.

Айта кетейік, бүгін дзюдодан ерлер арасында 60 келіге дейін өнер көрсетіп жатқан Қазақстанның тағы бір палуаны Елдос Сметов финалға жолдама алды. Жартылай финалда әзірбайжандық Орхан Ильхамды жеңген Сметов ақтық сында Ресей палуанымен белдеседі.