Тылсым 29.11.2019 сағат 10:00

48 сағат қабірде жатқан нәресте қалай тірі қалды?

Қорымнан табылған сәби ауруханаға бір ай бұрын түскен.
48 сағат қабірде жатқан нәресте қалай тірі қалды?
Фото: pixabay.com
Бөлісу
Бөлісу
Бөлісу

Үндістанда дәрігерлер зираттан табылған нәрестенің өмірін сақтап қалды. Жантүршігерлік оқиға Уттар-Прадеш штатындағы Барели қаласында болған, деп хабарлады KAZ.NUR.KZ, lenta.ru-ға сілтеме жасап.

Қорымнан табылған сәби ауруханаға бір ай бұрын түскен. Оның дүниеге келгендегі салмағы шамамен бір келіні құраған. Қыз бала туғаннан бері тамақ ішпеген. Сол себепті, оның майлы тіндері болмаған.

Қазіргі уақытта нәрестенің өміріне қауіп төніп тұрған жоқ. Емделу барысында оның салмағы екі есеге артқан. Ол бүгінде аурухана қызметкерлерін тани бастап, бөтелкеден тамақ ішетін болды.

Ал кісі өлтіруге күдікті деп танылған және 12 жасқа дейінгі баланы жалғыз қалдырып кеткен сәбидің биологиялық ата-анасы әлі табылған жоқ.

Шамасы, ата-анасы қыз баланы мерзімінен бұрын дүниеге келген соң жерлеген. Ол матаға оралған сазды құмыраға салынып, 60 сантиметр тереңдіктегі зиратқа жерленіпті. Бала жер астында 48 сағат жатқан.

Ал нәрестені өзге ерлі-зайыптылар құтқарып қалған. Олар зиратқа өлі туған қыздарын жерлеу үшін келген екен. Ал сәбидің жылаған дауысын естігенде бірден полиция мен жедел жәрдем шақырған.

Тастанды баланы бағып алуға бірнеше адам ниет білдіруде. Олардың қатарында сәбиді тауып алған ерлі-зайыптылар мен үнді халықтық партиясы Заң шығару жиналысының мүшесі Раджеш Мишра да бар.

Алайда, әзірге олардың ешқайсысы бағып алу туралы жазбаша өтініш білдірмеген.

Оқи отырыңыз

загрузка...

Соңғы жаңалықтар

Қызықты материалдар